2&2 is gjin offisjele feriening. It selskip is by tafal ûntstien doe’t 4 minsken út Jirnsum de koppen ris by elkoar stutsen. Sy wiene allegearre ‘gek’ fan toaniel, mar stelden wol hege easken. In trochsnee blijspul woene se net, belangryk wie wol dat in grut part fan it publyk it wurdearje soe. Troch ynset en motivaasje soe it in súkses wurde kinne, mar ek û.l.f. in betûfte regisseur: Arnold Dijkstra!

Dizze 4 minsken, Jan Terra, Tsjisse de Jong, Janny Niemarkt en Baukje Stavinga krigen de kâns yn 1998 om dit te realisearjen troch it stik ‘Lekker Koese’ fan Dimitri Frenkel Frank op de planken te setten y.f.m. it jubileum fan de IIsclub. Dit wie sa’n sukses, sadat Twa & Twa de kâns krige om dit ek op oare plakken te spyljen. Dit wie de driuwfear om troch te gean.

It bestjoer bestiet út Theo Terra, Jeep Schreuder, Janny Niemarkt en Baukje Stavinga

It nije programma foar it winterskoft 2010-2011!

Dit jier ha wy ús each falle litten op in kluchtich blijspul wat grif by in protte minsken yn’ e smaak falle sil.  It feit dat it ferhaal foar elk werom te kennen is, slacht fansels altyd oan mei moaie types en in nijsgjirrich ferhaal . Fierder stribje wy der nei om alle jierren nije spilers in kâns te jaan en dit slagget ek dit jier wer. Mear oer it stik kinne jim  fine by’ spile stikken‘

De regy is foar de twadde kear yn hannen fan Germ Stenekes út Boazum, yn it deistich libben ferslachjouwer by Omrop Fryslân. Hy docht foaral ferslach fan keatsen (de Freule en de PC binne fansels de hichtepunten!) en fuotbal.

Kaarten kinne ek telefoanysk besteld wurde: 06-14657754 of fia de website -> kontakt

Elk jier stelle wy in part foar it yntreejild beskikber foar in goed doel. Foar dit jier is dit noch net bekend

Spyllist 2011:

Freed 7 en sneon 8 jannewaris yn De Twa Gemeenten, Jirnsum mei muzyk fan ‘ Dûbeldyk‘!